იცნობდეთ! ეს მეუფე სპირიდონია.

იცნობდეთ!

ეს მეუფე სპირიდონია.წარმოშობით ზესტაფონელი და ამჟამად სხალთის მთავარეპისკოპოსი.წლების წინ მარგვეთისა და უბისის ეპარქიაში არსებული ბაგა-ბაღისა და მზრუნველობა მოკლებული ბავშვთა სახლის ხელმძღვანელი იყო,დედაჩემი კი ამ დაწესებულებებში მსახურობდა.მეუფის ბიოგრაფიაზე დიდ ხანს არ ვისაუბრებ,სინამდვილეში ერთ ძალიან მნიშვნელოვან თემას მინდა შევეხო.

1995 წლის 22 სექტემბერს სიცოცხლე დედამ მაჩუქა,2010 წლის 4 აპრილს კი მეუფე სპირიდონმა.ეს უკანასკნელი,ის საშინელი პერიოდია,როცა მთელი ოჯახი( დედაჩემის გარდა)ავარიაში მოვყევით. ყველა მძიმედ იყო,მაგრამ განსაკუთრებით ჩემი გადარჩენის საკითხი იდგა კითხვის ნიშნის ქვეშ.როცა გაიგო მეუფემ ამ უბედურების შესახებ,წუთიც არ დაუკარგავს ისე აიღო თავის თავზე ჩემი მკურნალობა და შესაბამისად მთელი ხარჯები.რომ არა მეუფის კეთილსინდისიერება,ალბათ ვერ გადავრჩებოდი,ალბათ კი არა და ვერ გადავრჩებოდი,რადგან ჩემი მკურნალობა დიდ თანხებთან იყო დაკავშირებული. როგორც აღვნიშნე,მთელ ოჯახს გადაუდებელი დახმარება გვჭირდებოდა,მარტო დარჩენილი დედაჩემი კი ამ ყველაფერს ვერ გაუმკლავდებოდა.მეუფის წყალობით უვნებელი დავუბრუნდი ცხოვრებას.მე მას ვერასოდეს ვერ გადავუხდი ამ სიკეთისთვის სამაგიეროს,ანდაც, სიცოცხლის საფასური რა შეიძლება იყოს,მაგრამ დარწმუნებული ვარ,უფალი აუცილებლად დაუფასებს. ეს ამბავი მხოლოდ ერთეულებმა იცის და არასდროს გაჟღერებულა მეუფის პირიდან.ის როგორც წესი,არ საუბრობს მის ქველმოქმედებებზე.მომიტევოს ღმერთმა ამის დაწერისთვის,მაგრამ ზოგ მღვდელმსახურს რომ სიკეთის აფიშირება ქველმოქმედება ჰგონია,ასეთი არ არის მეუფე სპირიდონი...

იმ დღიდან თითქმის 7 წელი გავიდა,მე კი მხოლოდ დღეს ვსაუბრებ ამის შესახებ და ძალიან მრცხვენია,რომ ეს ნაბიჯი აქამდე ვერ გადავდგი.ვიცი,რომ ჩემს პოსტს წაიკითხავს მეუფე,ამიტომაც,პირველ რიგში, პატიებას ვთხოვ იმისათვის,რომ მისი კურთხევის გარეშე ვყვები ამ ყველაფერს.

მე თქვენ ყოველთვის მემახსოვრებით...

მადლობა,მიყვარხართ და მეამაყებით!

wyaro

https://www.facebook.com/photo?fbid=783185281844628&set=a.101915446638285